Námstækni

Verkfæri í námstækni

Ivona talgervill

Ivona Reader forritið býður upp á íslensku talgervilsraddirnar Karl og Dóru. Notendur með aðgang að Hljóðbókasafni Íslands geta óskað eftir einkaaðgangi að forritinu á borð-/fartölvur án endurgjalds en aðrir geta keypt það í gegnum Blindrafélag Ísland s.

Hægt er að hlaða "Ivona Text to Speach" smáforritinu án endurgjalds í gegnum Google Play vefverslunina. Þá þarf að ná í raddirnar (Dóra og/eða Karl) sérstaklega.
Sjá hér dæmi um uppsetningu fyrirmæla og prófspurninga og hvernig þær hljóma með talgervli.

Skrambi

Skrambi er íslenskt yfirlestrarforrit sem unnið er í samstarfi við Árnastofnun. Notendur geta límt inn texta eða skrifað beint á síðuna til að nýta sér villuleitina. Einnig er hægt að líma inn texta og láta Ivona talgervilinn lesa upphátt svo hægt sé að staðsetja villur. Forritið er í þróun.

Google Translate

Google Translate bíður upp á marga möguleika á þýðingum, og í sumum tilvikum talgervlum á mismunandi tungmálum. Í þeim tilvikum er hægt að tala upphátt við tölvuna/snjalltækið og láta talgervilinn lesa upphátt þýðinguna.

Einnig er hægt að taka mynd af texta og láta forritið greina hann með svokallaðri OCR myndtækni sem gerir tölvunni kleift að breyta myndinni í tölvutækt form og þýða/lesa textann.

Púki villuleit

Voice Dream

Lucidchart

Púki villuleitarforritið er hægt að setja upp á borð-/fartölvum og nýtist til villuleitar í Microsoft Office pakkanum.

Voice Dream er fyrsta iPad smáforritið sem nýtir sér Ivona talgervilinn en það er einnig fáanlegt í gegnum Google Play Store fyrir Android snjalltæki (með takmarkaðri virkni). Enskar raddir fylgja með forritinu en auka raddir (t.d. hægt að fá íslenskar og danskar) kosta. Hægt er að nýta smáforritið til að lesa opin PDF skjöl (þar sem textaleit er möguleg) sem og önnur skjöl sem innihalda texta. Forritið getur einnig spilað hljóðskrár. Hægt er að nálgast smáforritið í gegnum iTunes vefverslunina. Hér má sjá stutt myndband um helstu stillingar og notkun.

Hugartkort eru vel þekkt sem góð námstæknileið þar sem notandinn flokkar og vinnur úr upplýsingum og setur upp á myndrænan hátt. Lucidchart er hentugt netbundið forrit til hugarkortavinnu, flæðikorta og skipulagsvinnu af ýmsu tagi. Hægt er að tengja það við Google Drive aðgang notenda sem gerir tengingu korta við önnur skjöl einfaldari. Hér má sjá stutt myndband um almenna uppsetningu hugarkorta í forritinu.

Open Dyslexic stafagerð

Open Dyslexic stafagerðin er sérstaklega hönnuð til að gera tölvutexta auðlesanlegri, t.d. fyrir þá sem eru með lesblindu. Hægt er að hlaða inn ókeypis vefbót (e. extension) í Chrome vafrann sem notendur smella á til að breyta stafagerð á vefsíðum.

Rafbækur frá
Menntamálastofnun

Menntamálastofnun er jafnt og þétt að bæta við þann fjölda námsbóka sem gefnar eru út sem rafbækur.

Hljóðbókasafn Íslands

Hljóðbókasafn Íslands þjónustar þá sem ekki geta nýtt sér prentað letur. Þar má finna flestar útgefnar bækur á íslensku. Hægt er að ná í smáforrit HBS fyrir Android síma í gegnum Google Play.

SwiftKey lyklaborð
fyrir snjalltæki

SwiftKey smáforritið bíður upp á lyklaborðsviðbót við iOS og Android stýrikerfið sem kemur með uppástungur um stafsetningu og næstu orð í setningu sem verið er að skrifa. Þetta er sérstaklega jákvæður kostur fyrir iOS notendur (Apple snjalltæki) þar sem íslenskan er eitt af tungumálunum sem það styður en innbyggða íslenska lyklaborðið í iOS býður ekki upp á stafsetningu eða forspárgreiningu á íslenskum texta.

SnjallVefjan - íslenskur vefur með margvíslegum hjálpartækjum

SnjallVefjan er sjálfshjálparvefsíða sem auðvelda á einstaklingum er glíma við námsörðugleika, kennurum þeirra og foreldrum að læra á ýmis forrit sem geta veitt stuðning við nám og daglegt líf.